Башҡортостанда 16 апрелдә республика халыҡтарының Милли кейеме көнө билдәләнә.

Милли кейем — халыҡтың эске булмышының сағылышы. Кеше үҙенең күңел донъяһын кейеме аша асып бирергә ынтылһа, милләттең дә йәшәү рәүеше, көнкүреше, эске донъяһы — тышҡы ҡиәфәтендә сағыла. Шуға ла боронғо замандарҙан алып кешегә бер ҡараш ташлау менән, уның ниндәй милләттән икәнен билдәләп булған. Башҡорттоң иһә күңел байлығы сигеү-нағышта, мәрйендән селтәрләп яһалған биҙәүестәрҙә, көмөшкә сүкеп һалынған биҙәктәрҙә сағылған.Үрге Мәмбәтшә башланғыс мәктәбе уҡыусылары ла Милли кейем көнөндә селтәрләп яһалған биҙәүестәрҙә йөрөнөләр.